تحسين خطة المذاكرة تاني بالـ AI

أنا عارف إني قلت المرة اللي فاتت إني مش هستخدم الـ AI في تظبيط خطة المذاكرة بس الموضوع كبر مني فعلاً.

لحد المرة اللي فاتت كانت المواضيع عامة شوية مفيهاش تقسيم أو مكانتش خطة. بعد تفكير شوية لقيت إن فيه مواضيع دراسية كنت ناسيها. حاجات أساسية زي مبادئ الفيزياء اللي قبل دراسة الإلكترونيات، والرسم الهندسي علشان لما أدخل على برامج التصميم. وشوية مواضيع جديدة زي مبادئ الـ cybersecurity وطبعاً الـ AI. الموضوع أخد شوية مفاوضات مع Copilot بس أخيراً وصلنا لحاجة أنا راضي عنها بشكل كبير.

الحاجة الظريفة اللي اكتشفتها إن Copilot ممكن يرسم الـ flowchart عن طريق حاجة اسمها Mermaid وده ساعد كتير لإن أول رسمتين طلعوا كانوا ASCII art وكان شكلهم مش ظريف على VSCode والـ word wrapping شغال. السبب التاني، إني كنت محتاج أطبعهم علشان أركز فيهم وبوضعهم السابق كان الموضوع مش لطيف لدرجة إني كنت بكتبهم بـ Mermaid بإيدي.

بعد الاكتشاف ده، وبعد مفاوضات اسبوع مع Copilot، طلعنا التحفة دي:

عارف إنها zoomed out شوية بس ممكن تحفظوها من هنا وكود Mermaid هنا لو حابين تعدلوا فيه.

بس ده لوحده مش كفاية. بعد طباعة الخريطة دي على ورق A3 ومفاوضات تاني لعدة أيام نكسر الأربع مراحل لـ 24 جزء صغير. كل جزء عبارة عن 3 مواضيع ممكن يتذاكروا على التوازي، وإلى حد ما (على كلام Copilot) ياخدوا نفس الوقت.

وعلشان يكون سهل في التعامل شوية حولته لـ Excel Sheet، وكمان علشان أعكس أي تغيير في الجدول على نسخة الويب عملت صفحة تانية فيها بس الـ Python snippet دي xl("Plan[#All]", headers=True).to_markdown(index=False) اللي ببساطة بتحول جدول الـ Excel لجدول Markdown أقدر أحطه في موقع ubergeek بعدين.

الجدول أكيد هيتعدل علشان فيه حاجات متكررة وفيه حاجات سقطت، وأكيد فيه حاجات هكتشف إني مكنتش عامل حسابها أو ممكن ألاقي ملهاش لازمة وقت المذاكرة. بس على الأقل دلوقتي هيبقى reference أقدر أبدأ بيه. وهو إلى حد ما مش محتاج شرح أوي، بس باختصار، المرحلة الأولى بتركز على الأساسيات في الرياضيات والفيزياء والبرمجة اللي هنستخدمها بعدين. هحاول وأنا شغال ألاقي أمثلة أو مسائل توضح ده، أو ممكن في المراحل التانية أرجع أشاور على المواضيع ذات الصلة في المرحلة الأولى.

بعد كدة هندخل على الالكترونيات وفي نفس الوقت هيكون فيه حاجات من مستوى أعلى زي الشبكات وأنظمة التشغيل (حاسس إن دي حاجة ممكن تتعدل بردو) ومواضيع technical وعملية أكتر زي الـ PCB والأنظمة المدمجة والـ build environments.

المرحلة الثالثة هندخل على الـ robotics وتطبيقات الـ embedded systems. كمان هيكون فيه نبذة عن الـ AI والـ cybersecurity.

أخر مرحلة وأصغرهم هتبقى بتكمل كل ده بتطبيق على طرق الـ digital fabrication وشوية حاجات نظري كدة عن الـ standards في الصناعة والتكنولوجيا عموماً.

ده كان update سريع كدة. إن شاء الله المرة الجاية يكون فيه محتوى على ubergeek. وإلى اللقاء :)