المذاكرة مبتخلصش

مقدمة صغيرة

أنا متخرج من 12 سنة وشوية. في أول شغلي كنت generalist على عكس المفروض، شوية PCB design على شوية classic control على desktop development على صيانة كمبيوتر ومكن CNC. بعدها دخلت الجيش وبدأت أدخل في تخصصات بس مكانش الموضوع بيطول أوي بردو. وقت الجيش كنت بعمل prototypes كتير وتحت mentor قوي جداً صراحة. اتعلمت OrCAD وكنت بتعامل مع مكونات غير اللي موجودة في السوق العادي طبعاً والشاب الـ nerd اللي جوايا كان زي طفل في محل ألعاب.

بعدها خلصت جيش واشتغلت في جزء أضيق شوية هو embedded Linux للـ routers والـ access points. فيه بيئة تطوير ظريفة كدةاسمها Buildroot مبني عليها نظام تاني متخصص للأجهزة دي اسمه OpenWrt. ساعتها (2016-2017) كان المجتمع ده مش منتشر أوي في مصر على حد علمي وقتها وحتى OpenWrt Project مكانش بالقوة اللي هو فيها دلوقتي. أنا فاكر أكتر حاجة كانت عاجباني ساعتها إنهم كانوا بيسموا الـ stable releases بأسماء مشروبات إحم كحولية من كلمتين بيبدأوا بنفس الحرف زي Attitude Adjustment و Barrier Breaker و Chaos Calmer و أخر واحد فاكره كان Designated Driver.

المهم، بعدها ولظروف شخصية، اشتغلت part time في شركة ويب. كنت بعمل Wordpress websites وأحياناً plugins. وبعدها رحت ITIDA وبدأت أتقمص دور المدير. مش مدير على ناس بس مدير مشروعات صغيرة و activities وكدة. بقالي فترة حاسس إني مبقتش مهندس أوي وإني ضيعت وقت كتير وبدأت أpanic شوية صغيرين.

بعد تردد كتير وتفكير وخوف من الخروج من الـ comfort zone وصلت للطريق المنطقي المعروف لكل الناس بس أنا كنت بجادل نفسي ومتجمد من التفكير. اللي هو المفروض أكمل في طريق الـ management عموماً. بس علشان أنا لازم أصعبها على نفسي قررت إني في نفس الوقت هرجع أذاكر الشهادة بتاعتي أو ما يوازيها يعني من مواضيع أنا مهتم بيها. هو كان بقالي فترة بفكر أعمل موضوع المذاكرة ده بس دلوقتي بقى ليه شكل شوية واسم وهو ubergeek.

خطة المذاكرة باستخدام الـ AI

غالباً هستخدم العنوان ده كـ click bait لما أحط الـ post دي على LinkedIn. بس هو أنا عملت كدة فعلاً، بكام محادثة مع Copilot طلعلي بالخطة اللي جاية دي وأنا إلى حد ما راضي عنها:

                ┌────────────────────────────┐
                │       Module I:            │
                │   Core Fundamentals        │
                │ (Math, C/C++, Git, Linux,  │
                │     Data Structures)       │
                └──────────────┬─────────────┘
                               │
                               ▼
                ┌────────────────────────────┐
                │      Module II:            │
                │ Electronics & Hardware     │
                │ (Circuits, PCB Design,     │
                │  Microcontrollers,         │
                │  Embedded C/C++)           │
                └──────────────┬─────────────┘
                               │
                               ▼
                ┌────────────────────────────┐
                │   Module III:              │
                │   Embedded Software & RTOS │
                │ (RTOS, Embedded Linux,     │
                │ Linux SysAdmin)            │
                └──────────────┬─────────────┘
                               │
                               ▼
        ┌─────────────┬──────────────────┬───────────────┐
        │             │                  │               │
        ▼             ▼                  ▼               ▼
┌────────────┐  ┌──────────────┐  ┌─────────────┐  ┌─────────────┐
│ Module IV: │  │ Module V:    │  │ Module VI:  │  │ Module VII: │
│   Rust     │  │ Communication│  │ Testing &   │  │ Robotics &  │
│ Programming│  │ Protocols    │  │ Project     │  │ Product     │
│ & Embedded │  │              │  │ Management  │  │ Development │
│   Rust     │  │(Automotive,  │  │(Software    │  │ (Robotics   │
│            │  │ IoT, Indus-  │  │  Testing)   │  │ Kinematics, │
│            │  │ trial)       │  │             │  │ Mechanical, │
│            │  │              │  │             │  │ Digital Fab,│
│            │  │              │  │             │  │ Prod. Dev.) │
└────────────┘  └──────────────┘  └─────────────┘  └─────────────┘

عاجبني الـ ASCII art ده مؤقتاً لحد ما أشغل Mermaid.

الموضوع كبر مني طبعاً فكان لازم أقسمه لقطع سهلة البلع والهضم. مع شوية تعديلات على مخرجات الـ AI وبعد زيارة لمكتبة رحالة قررت إن أول module هيكون شوية maths على C programming على شوية circuits صغيرين وجبت الكنوز أو المراجع المستعملة دي

الكتب مستعملة زي ما قلت وغالباً قديمة شوية بس بدايات العلوم دي مش بتتغير أوي يعني فقشطة. كالعادة أنا بكتب ده هنا علشان أولاً أرجع أكتب تاني، وثانياً علشان أجبر نفسي أكمل المذاكرة. الخطة الحالية إني هعمل زي نسخة تانية من الموقع ده على ubergeek subdomain هيكون فيها إن شاء الله الـ study notes نفسها بعد ما أظبطها بشكل كويس وفي وقت من الأوقات هفتحها تبقى collaborative على wiki أو حاجة. وهنا إن شاء الله بردو هرغي عن المذاكرة نفسها أو هيبقى زي الـ study log.

المرة الجاية هكون ظبطت خطة المذاكرة أكتر منغير استخدام الـ AI وهحطها بشكل أحسن على ubergeek.

إلى اللقاء :)